阿仙奴打雀度蜜月

2019-12-01 09:40:55 来源:网络

大使龍格保上任人人賣命
阿仙奴終於變天,成為繼屈福特、熱刺後,今季第三支易帥嘅英超球隊,看守領隊龍格保接手後首個任務,就係今晚作客撲擊「金絲雀」諾域治。前領隊艾美利最失敗之處,係未能團結更衣室內氣氛,如今搵來形象討好嘅「親善大使」龍格保,相信短期內可提升番眾槍手嘅士氣,「兵工廠」搵番個火藥庫,今晚可盡情打雀,阿仙奴讓半一樂比捧上盤。

(Now 611及621周日晚10時直播)

外國傳媒對於艾美利嘅評價,可謂好壞參半,風格上阿仙奴偶爾可踢出華麗悅目嘅足球,可惜並唔能夠持久,防守亦無太大改善,就成績而言,佢基本上仲差過雲格被炒前嘅時期,起碼最近7仗不勝,對一支BIG 6球隊嚟講可以話完全不能接受,亦係自1992年以來最差嘅表現,所以落鑊都可以話咎由自取。

不過眾所周知艾美利被炒嘅原因,係球員開始無視佢嘅存在,無可否認現今球壇球員嘅影響力愈嚟愈大,如果領隊失去更衣室內嘅絕對權威,基本上已等同失去飯碗,雖然艾美利近日已力挽狂瀾,不斷改變陣式同試用唔同嘅球員,可惜效果都唔理想,依家改由人緣甚佳嘅龍格保執教,相信可短期內止跌回升,就好似上季蘇斯克查執教曼聯初期咁,進入大約為期兩個月嘅蜜月期。

事實上,龍格保執教經驗欠奉,佢退役後初期擔任阿仙奴球會大使,利用人脈關係幫球會推廣,喺呢段期間令佢廣結人緣,之後執教過阿仙奴U15及U23,另外亦有短暫時間做過禾夫斯堡助教,教波就未必一定叻,但肯定係個好好先生,喺目前士氣低沉嘅阿仙奴,可以有效團結番隊波嘅士氣先,畢竟阿仙奴人才濟濟,只要班大帝肯幫你賣命,一聲令下自然個個都「自動波」埋位,今場要贏下游嘅諾域治根本完全唔使擔心。

諾域治防線漏洞多
諾域治經過季初一輪虛火後,最近表現已開始滑落,主場連輸3場之餘,後防失咗10球之多,事實上佢哋進攻套路已被睇通,射手迪姆普基英超頭5仗攻入6球後,近8仗都冇入過波,最大問題係防線太多漏洞,中路守將試過多個組合,但無論係伊巴謙阿馬度、基斯杜夫森馬文、堤迪定賓葛菲特都明顯未夠班,相信難擋兵工廠嘅火力。

幕墙铝单板生产厂家-广州市大广铝业装饰材料